ఈ ఆర్టికల్ లో మీకు నేను శ్రీశైలం అడవుల్లో కొలువై ఉన్న ఇష్టకామేశ్వరి దేవి అమ్మవారి ఆలయం గురించి నాకు తెలిసిన వివరాలన్నీ చెబుతాను. ఈ ఆర్టికల్ ఎవరికైనా ఉపయోగపడుతుంది అనుకుంటే దయచేసి షేర్ చెయ్యండి. పచ్చని చెట్ల మధ్య ఉండే ఇక్కడి గుడిలోని అమ్మవారికి బొట్టు పెట్టి ఏదైనా కోరుకుంటే ఖచ్చితంగా నెరవేరుతుందనేది ఇక్కడికి వచ్చే భక్తుల ప్రగాఢ విశ్వాసం. ఈ అమ్మవారు నాలుగు భుజాలతో దర్శనమిస్తూ భక్తుల కోర్కెలు తీర్చే కొంగుబంగారంగా విలసిల్లుతోంది. భక్తుల కోరికలను తీరుస్తుంది కాబట్టే ఈ అమ్మవారి పేరు ఇష్టకామేశ్వరి దేవి అయ్యింది.
 |
| ఇష్టకామేశ్వరి దేవి అమ్మవారు శ్రీశైలం |
ప్రసిద్ధ పుణ్యక్షేత్రం శ్రీశైలానికి సరిగ్గా ఇరవై కోట్ల కిలోమీటర్ల దూరంలో దట్టమైన అడవిలో ఈ దేవత గుడి ఉంది. అయితే ఈ ఇష్టకామేశ్వరి దేవిని దర్శించుకోవటానికి జీపుల ద్వారా వెళ్ళవచ్చు.
 |
| ఇష్టకామేశ్వరి గుడికి వెళ్ళే దారి |
రోడ్డు గతుకులమయంగా ఉంటుంది. నడిచి వెళ్ళడం కాస్త కష్టమే అయినా మనసులో ఆ చల్లని తల్లిని తలుచుకుని ముందుకు వెళ్తుంటే కష్టమే తెలియదు. ఈ ఆలయం యొక్క విశిష్టత ఏమంటే భారతదేశంలో కామేశ్వరీదేవి ఆలయం ఉన్న ప్రదేశం ఇదొక్కటే కావడం విశేషం. శక్తికి చిహ్నం అయిన పార్వతీదేవికి ప్రతిరూపంగా కొలిచే ఈ అమ్మవారి ఆలయం కర్నూలు ప్రకాశం జిల్లాల సరిహద్దులో సముద్రమట్టానికి 2128 అడుగుల ఎత్తులో ఉంది. కావున ఈ ప్రదేశం సంవత్సరమంతా చాలా చల్లగా ఉంటుంది. చిన్న గుడిలో కొలువై ఉన్న ఈ దేవతను దర్శించుకుని ఆమె నుదుటన బొట్టుపెట్టి పెరుగన్నం మరియు పొంగలిని నైవేద్యంగా అందిస్తే ఏ కోరికైనా నెరవేరుతుందని ఇక్కడికి వచ్చే భక్తులు అందరూ చెప్పుకుంటారు. ముఖ్యంగా పెళ్ళై పిల్లలు కలగనివారు ఈ ఆలయాన్ని ఎక్కువగా దర్శిస్తారు. స్వయంభువుగా వెలసిన ఈ అమ్మవారికి సంబంధించి ఒక చిన్న కథ ప్రాచుర్యంలో ఉంది.
 |
| ఇష్టకామేశ్వరి అమ్మవారు శ్రీశైలం |
కొన్ని వందల సంవత్సరాల క్రితం ఈ ప్రదేశంలో చాలా మంది యోగులు, సిద్ధులు తపస్సు చేస్తూ ఉండేవారట. అలా నిత్యం అమ్మవారిని స్మరించుకునే వారి కోసమే పార్వతీదేవి ప్రతిరూపమైన కామేశ్వరి దేవి ఇక్కడ వెలిసిందని చరిత్ర చెబుతోంది. మొదట్లో ఈ ప్రదేశం గురించి చాలా మందికి తెలియకపోవడం వల్ల ఇక్కడికి వచ్చే భక్తుల సంఖ్య చాలా తక్కువగా ఉండేది. కాలక్రమేణా శ్రీశైలానికి వచ్చే భక్తులు మరియు యాత్రికుల ద్వారా ఈ ఆలయం గురించి ప్రపంచానికి తెలిసింది.
 |
| ఇష్టకామేశ్వరి అమ్మవారు శ్రీశైలం |
ఈ గుడిని క్రీ.శ 8-10 శతాబ్దాల మధ్య కాలంలో కట్టించారని చెబుతారు. ఇప్పటికీ కూడా చాలా చిన్నగా కనిపించే ఈ ఆలయ గోపుర నిర్మాణం శ్రీశైల మల్లికార్జున స్వామి గర్భగుడిని పోలి ఉంటున్నట్లుగా ఉండటం విశేషం. కాబట్టి ఈ గుడి చాళుక్యుల కాలం నాటిదని చెప్పొచ్చు. శ్రీశైల పుణ్యక్షేత్రానికి ఉత్తరవాహినిగా పాతాళగంగ ఉన్నట్లుగానే ఈ ఇష్టకామేశ్వరి ఆలయానికి ఎదురుగా ఉత్తర దిశలో ఒక వాగు ఏడాది పొడుగునా ప్రవహిస్తూ ఉంటుంది. ఈ ఆలయానికి సంబంధించి ఇంకొక గొప్ప విశేషం ఏంటంటే గుడిలో ఉన్న అమ్మవారి విగ్రహాన్ని పోలిన మరొక విగ్రహం భారతదేశంలో ఎక్కడా కనపడలేదు అన్నది చాలామంది ఆధ్యాత్మికవేత్తలు ముక్తకంఠంతో చెబుతారు.
 |
| ఇష్టకామేశ్వరి దేవి అమ్మవారు శ్రీశైలం |
మహిమాన్విత క్షేత్రంగా వర్ధిల్లుతూ నిత్యం భక్తులచే పూజలు అందుకునే ఈ కామేశ్వరీదేవి ముకుళిత నేత్రాలతో, ధ్యాన ముద్రతో, చతుర్భుజాలతో,
పద్మాసనంలో కూర్చుని భక్తులకు దర్శనమిస్తుంది. ఒక చేతిలో రుద్రాక్ష, రెండు చేతుల్లో కలువ పూలు ఇంకొక చేతితో శివలింగాన్ని పట్టుకుని ఉండే రూపంలో అమ్మవారు దర్శనమిస్తుంది. చిన్నగా మరియు ఇరుకుగా ఉండే ఈ ఆలయంలోకి వెళ్ళాలంటే భక్తులు కూర్చుని వెళ్ళాలి. ఎంత కష్టమైనా గాని భక్తులు అలాగే వెళ్ళి స్వయంగా అమ్మవారికి బొట్టు పెడతారు. ఇలా భక్తుల చేత స్వయంగా బొట్టు పెట్టించుకోవడం అన్నది భారతదేశంలో ఏ ఆలయంలోనూ జరగదు. అట్లాగే అమ్మవారి నుదుట కుంకుమ బొట్టు పెడుతున్నప్పుడు నుదటి భాగం మనుషుల్లాగానే మెత్తగా ఉంటుందని భక్తులు చెబుతారు. ప్రస్తుతం ఈ ఆలయానికి చెంచు జాతి ప్రజలు పూజారులుగా వ్యవహరిస్తున్నారు. చాలాకాలం నుంచి వాళ్ళే ఈ బాధ్యతల్ని నిర్వర్తిస్తున్నారు. ఈ ఆలయానికి కావలసినటువంటి ధూపదీప నైవేద్యాలు అన్నీ శ్రీశైలం ఆలయం నుండే వస్తాయి. అట్లాగే ఆలయంలోని గుప్త నిధుల తవ్వకం కోసం వచ్చేవారి నుండి కాపాడటానికి ఈ ప్రదేశంలో నివసించే చెంచు జాతి ప్రజలు నిత్యం కాపలాగా ఉంటారు.
*ఈ ఆలయానికి ఎలా చేరుకోవాలి:
 |
| ఇష్టకామేశ్వరి దేవి ఆలయానికి వెళ్ళే దారి |
🙏🙏🙏🙏🙏🙏🙏🙏
సర్వేజనా సుఖినోభవంతు.
dornala srisailam road nundi entha duramu ?
రిప్లయితొలగించండి