మిత్రులందరికీ స్వాగతం
ఈ ఆర్టికల్ లో మీకు హలాసనంకి సంబంధించి నాకు తెలిసిన ఇన్ఫర్మేషన్ అంతా మీతో షేర్ చేస్తాను. మీకు మీ ఫ్రెండ్స్ కి అందరికీ ఉపయోగపడుతుంది. కావున ఈ ఆర్టికల్ ని అందరికీ షేర్ చెయ్యండి. అట్లాగే మీకు హెల్త్ అండ్ కిచెన్ టిప్స్ కి సంబంధించిన ఇన్ఫర్మేషన్ కావాలంటే నా యూట్యూబ్ ఛానల్
ని SUBSCRIBE చేసుకోండి.
లింక్ కోసం ఇక్కడ CLICK చెయ్యండి.
 |
| హలాసనం ఉపయోగాలు |
యోగాసనాల్లో ఇది కొంచెం కష్టమైన ఆసనం అని చెప్పవచ్చు. కానీ దీని వల్ల కలిగే ప్రయోజనాలు అమోఘం. ముఖ్యంగా శరీరాన్ని ఎటు పడితే అటు విల్లులా వంచగలిగే వాళ్ళకి ఈ ఆసనం బ్రహ్మాండంగా పనిచేస్తుంది. పురాతన కాలం నుండి మన ఋషులు, మునులు మనకి అందించినటువంటి అత్యద్భుతమైన ఆసనాలలో ఇది కూడా ఒకటి. కాబట్టి ప్రతి ఒక్కరూ యోగా గురించి తప్పనిసరిగా తెలుసుకోండి. డైలీ కనీసం ఒక్క ఆసనమైనా వెయ్యండి.
 |
| CLICK HERE TO PURCHASE YOGA MATS |
ముఖ్య గమనిక: యోగాని నిపుణుల సమక్షంలోనే చేయటం మంచిది. అంతేకాని అరకొర జ్ఞానంతో సొంతంగా యోగ చేసి ఇబ్బంది పడకండి. అట్లాగే మీ శరీర తత్వానికి ఏ ఆసనం సూట్ అవుతుందో ఆ ఆసనాన్ని సెలెక్ట్ చేసుకోండి. కొంచెం కష్టమైన ఆసనాలని శరీరానికి నెమ్మదిగా అలవాటు చేయటానికి ప్రయత్నించండి. సమతుల ఆహారం మరియు రోజుకి ఎనిమిది గంటల నిద్ర ఉంటేనే యోగాసనాల వల్ల ఫలితాలు బాగుంటాయి. కావున ఈ విషయాన్ని గమనించగలరు.
 |
| హలాసనం ఉపయోగాలు |
"హల" అంటే నాగలి. మన శరీరాన్ని నాగలి ఆకారంలో ఉంచుతుంది కాబట్టే దీనికి హలాసనం అనే పేరు వచ్చింది. మహాభారతంలో బలరాముడి ఆయుధం నాగలి. అందుకే ఆయనని హలాధరుడు అంటారు.
ఈ హలాసనాన్ని వీరు వేయకపోవడం మంచిది:
*మెడ నొప్పులు (సర్వైకల్ స్పాండిలైటిస్) ఉన్నవారు ఈ ఆసనం వేయకపోవడమే ఉత్తమం.
*డిస్క్ సమస్యలు, సయాటికా మరియు లోవర్ బ్యాక్ పెయిన్ ఉన్నవాళ్ళు కూడా ఈ ఆసనాన్ని పొరపాటున కూడా వేయకండి.
*నడుము నొప్పితో బాధపడుతున్న వారు కూడా ఈ ఆసనాన్ని వేయవద్దు.
*హై బీపీ మరియు గుండె జబ్బులు ఉన్నవాళ్ళు కూడా ఈ ఆసనాన్ని వెయ్యకూడదు.
*👆👆👆 పైన చెప్పిన సమస్యలు ఉన్నవాళ్ళు ఈ ఆసనాన్ని జీవితంలో ఎప్పుడూ ట్రై చేయకండి. ఒకవేళ చేస్తే కనుక ఇబ్బందులు పడే అవకాశం ఉంది. కాబట్టి కొంచెం జాగ్రత్తగా ఉండండి.
*పెద్ద వయస్సు వారు అంటే 60 సంవత్సరాలు దాటిన వారు ఈ ఆసనం ముందు నుంచి అలవాటు లేకపోతే మాత్రం వెయ్యొద్దు.
*గర్భిణీ స్త్రీలు ఈ ఆసనం వేయకూడదు.
*ప్రతిరోజు యోగాసనాలు వేసే అలవాటు ఉన్నవారు మాత్రమే శరీరం యొక్క ఫ్లెక్సిబిలిటీని బట్టి ఈ ఆసనాన్ని వేయటం మంచిది.
*స్త్రీలు పీరియడ్స్ టైం లో ఈ ఆసనాన్ని అస్సలు వేయకూడదు.
*సిజేరియన్ మరియు ఇతర రకాలైనటువంటి ఆపరేషన్ చేయించుకున్న వాళ్ళు ఆరునెలలు లేదా సంవత్సరం వరకు ఈ ఆసనం వేయకూడదు.
*పొట్ట దగ్గర కొవ్వు ఎక్కువగా ఉన్నవాళ్ళు, ఊబకాయిలు మరియు నడుము చుట్టుకొలత ఎక్కువగా ఉన్నవాళ్ళు ఈ ఆసనాన్ని నిపుణుల పర్యవేక్షణలో వేయటం మంచిది.
హలాసనం వేయు విధానం:
*ముందుగా నేల మీద మ్యాట్ పరుచుకుని శవాసనం భంగిమలో పడుకోవాలి.
*ఆ తరువాత రెండు చేతుల్ని నడుము కిందికి చేర్చి ఉంచాలి.
*ఇప్పుడు రెండు కాళ్ళనూ దగ్గరగా చేర్చి నెమ్మదిగా నిటారుగా రెండు కాళ్ళని పైకి లేపాలి. మోకాళ్ళు వంగకూడదు. ఈ సమయంలో మన రెండు చేతుల్ని నడుముకి సపోర్ట్ గా ఉంచాలి. వేళ్ళ సహాయంతో నడుముని గట్టిగా పట్టుకోవాలి. ఆ తర్వాత పైకి లేపిన కాళ్ళని మెల్లగా వెనక్కి చాపాలి. రెండు కాళ్ళని మనం ముఖం మీదుగా పోనిస్తూ కింద ఫోటోలో చూపించిన విధంగా నేలను తాకాలి.
 |
| హలాసనం |
హలాసనం వల్ల కలిగే ప్రయోజనాలు:
*భవిష్యత్తులో వెన్నెముకకు సంబంధించిన సమస్యలు రాకుండా ఉండాలంటే ప్రతి రోజు క్రమం తప్పకుండా హలాసనాన్ని వేయండి.
*పిల్లలకు చిన్నప్పటి నుండే ఈ ఆసనాన్ని అలవాటు చేయండి. ముఖ్యంగా క్రీడల్లో రాణించాలనుకునే వాళ్ళకి ఈ ఆసనం బాగా ఉపయోగపడుతుంది.
*చిన్నపిల్లలు, వయసులో ఉన్నవాళ్ళు, శరీరం ఫ్లెక్సిబుల్ గా ఉన్నవాళ్ళు మరియు ప్రతిరోజు యోగాసనాలు వేసే అలవాటు ఉన్నవాళ్ళకి ఈ ఆసనం చాలా బాగా ఉపయోగపడుతుంది.
*ఛాతీ దగ్గర నుండి తొడల వరకు ఉన్న అనవసరమైన కొవ్వునంతటినీ కరిగించేస్తుంది కాబట్టి శరీరం నాజూకుగా తయారయ్యి ఫ్లెక్సిబుల్ గా మారుతుంది.
 |
| హలాసనం యొక్క ఉపయోగాలు |
*ముఖానికి కాంతిని ఇస్తుంది. ముఖ్యంగా ఈ ఆసనం వేయడం వల్ల మన వయస్సుని దాచేయొచ్చు తెలుసా. పెద్ద వయసు వారిని కూడా చిన్న వయసు వాళ్ళ లాగా చూపిస్తుంది ఈ ఆసనం.
*మోకాళ్ళకి బలాన్నిస్తుంది. జ్ఞాపకశక్తిని పెంచుతుంది.
*సర్వాంగాసనం వేసిన తర్వాత ఈ హలాసనం చేయడం వల్ల చాలా మంచి ఉపయోగాలున్నాయి. కావున ఈ రెండు ఆసనాలు ని ప్రతి రోజు క్రమం తప్పకుండా వేయండి.
*వీర్యకణాల సంఖ్యను పెంచడంలో ఈ ఆసనం బాగా దోహదపడుతుంది. స్త్రీలు మరియు పురుషులలో ఉండే ప్రత్యుత్పత్తి అవయవాలని (సెక్సువల్ ఆర్గాన్స్) యాక్టివేట్ గా ఉంచుతుంది.
*జీర్ణకోశానికి సంబంధించిన అవయవాలు అన్నింటిని యాక్టివ్ గా ఉంచుతుంది ఈ ఆసనం. తద్వారా మన జీర్ణకోశ వ్యవస్థ పనితీరు మెరుగు పడేలా చేస్తుంది.
*నాడీ మండల వ్యవస్థను సక్రమంగా పని చేయించేలా చేస్తుంది.
*మొదట్లో ఈ ఆసనం వేయడానికి కొంచెం కష్టంగా ఉండొచ్చు. నెమ్మదిగా అలవాటు చేసుకోండి.
*నా ప్రెసెంటేషన్ మీకు నచ్చినట్లయితే ఆర్టికల్ అందరికీ షేర్ చేయండి.
*సర్వేజనా సుఖినోభవంతు 🙏🙏🙏
కామెంట్‌లు లేవు:
కామెంట్‌ను పోస్ట్ చేయండి